उपराष्ट्रपतिबाट टीका ग्रहण
काठमाडौं, २१ असोज । उपराष्ट्रपति नन्दबहादुर पुन ‘पासाङ’ ले आफ्ना बुवाबाट यस वर्षको दशैंको टीका ग्रहण गरेका छन् ।
उनले आज उपराष्ट्रपति भवन, हरितगृहमा आफ्ना ८६ वर्षीय बुवा रामसुर पुनबाट दशैंको टीका ग्रहण गरेको उपराष्ट्रपतिका प्रेस संयोजक मनोज घर्तीमगरले जानकारी दिएका छन् ।
यसैगरी, उपराष्ट्रपति पुनले आफ्ना सचिवालय सदस्य, सुरक्षाकर्मी र केही आफन्तलाई टीका लगाई दिएका छन् ।