सीलाई नेपालमा न्यायो स्वागत (फोटो फिचर)

काठमाडौं, २५ असोज । चिनियाँ राष्ट्रपति सी चिनफिङ नेपालको दुई दिने राजकीय भ्रमणका लागि आज (शनिबार) आइपुगेका छन् ।

भारतको चेन्नई हुँदै चिनियाँ विशेष विमानमार्फत काठमाडौं आइपुगेका राष्ट्रपति सीको स्वागतका लागि राष्ट्रपति विद्यादेवी भण्डारी, उपराष्ट्रपति नन्दकिशोर पुन, प्रधानमन्त्री केपी शर्मा ओली आफै त्रिभुवन विमानस्थलमा स्वागत गर्न पुगेका थिए । यस्तै ओली नेतृत्वको मन्त्रिमण्डलका सदस्य, उच्च तहका कर्मचारी, अन्य कर्मचारी मात्र नभई सर्वसाधरणले समेत चिनियाँ राष्ट्रपति सीको स्वागत गरेका थिए ।

सीको स्वागतका लागि नेपाली सेनाले २१ तोपको सलामी मात्र दिएन, स्वतःस्फूर्त रुपमा तयार भएका विभिन्न संघसंस्थाहरुले विभिन्न साँस्कृति झाँकीहरु प्रदर्शन गरेर चिनियाँ राष्ट्रपति सीलाई नेपालमा न्यायो स्वागत गरिएको छ । २३ वर्षपछि भएको चिनियाँ राष्ट्रपतिको नेपालको राजकीय भ्रमणलाई सरकार, सत्ता पक्ष दलले मात्र नभई विपक्षी दल, नेता र सर्वसारधणले समेत निकै महत्व दिएका छन् ।

विभिन्न संक्रमणबाट गुज्रँदै विकासका लागि प्रारम्भिक पाइला चाल्दै गरेको नेपालका लागि चीनको यस्तो उच्चस्तरीय भ्रमणलाई सबै क्षेत्रले उच्च प्राथमिकता दिंदैं निकै महत्व दिएको छ । सन् २०२० लाई नेपाल पर्यटन वर्षको रुपमा मनाउने तयारी गरिरहेको नेपालका लागि चिनियाँ प्रधानमन्त्री सीको भ्रमणलाई निकै महत्वका साथ लिइएको छ ।

नेपालको पूरानो मित्र देश र नेपालमा आइपरेका धेरै विपतीका घटनामा सहयोग र साथ दिंदै आएको चीनका उच्च तहका व्यक्तिको भ्रमणलाई व्यवस्थित, सुरक्षित बनाउन मात्र नभई उच्च सम्मान दिन सरकारले सक्दो प्रयास समेत गरेको छ । नेपालको विभिन्न खालका भौतिक विकासमा चीनको आर्थिक र आत्मीय सहयोग निरन्तर रहँदै आएको छ ।

नेपालको सडक, जलविद्युत, शिक्षा, स्वाथ्यलगायतका क्षेत्रमा चीनको सहयोग अतुलनीय छ । समृद्ध नेपाल सुखी नेपालीको नारा लिई विकास र समृद्धिका गतिविधि सञ्चालन गरिरहेको केपी ओली नेतृत्वको सरकारले सीको भ्रमणबाट नेपाललाई ठूलो उपलब्धी हात पर्ने अपेक्षा समेत गरेको छ ।

सडक, पूर्वाधारसँग रेल र जलमार्गको समेत सपना देखिरहेको सरकार र नेपाली नागरिकका लागि चीन सहयोगी बन्न सक्ने विश्वास समेत रहेको देखिन्छ । यहि विश्वासका कारण पनि चिनियाँ प्रधानमन्त्रीको नेपाल भ्रमणमा सरकार र सत्तारुढ दल मात्र होइन विपक्षी दल र सर्वसाधरण समेत एक मुख देखिएका छन् ।

अन्य बेला नमिले जस्तो देखिए पनि राष्ट्रिय हित र स्वार्थका लागि देखिएको नेपालीहरुको एकता र चिनियाँ राष्ट्रपति सी चिनफिङमाथि दर्शाइएको नेपालको न्यायो आतिथ्यताले नेपालीहरुको एकता र विकासप्रतिको उत्कट चाहनालाई समेत उजागर गरेको छ ।
हेर्नुस् चिनियाँ राष्ट्रपति सी चिनफिङको नेपाल यात्राका तस्विरहरु

प्रतिक्रिया दिनुहोस्