काठमाडौं जयवागेश्वरीमा हिंडिरहेका व्यक्तिमाथि खुकुरी प्रहार
काठमाडौं, २८ असोज । काठमाडौंको जयवागेश्वरीमा सडकमा हिंडिरहेका एक व्यक्तिमाथि खुकरी प्रहार गरी घाइते बनाएको आरोपमा प्रहरीले एक युवकलाई नियन्त्रणमा लिएको छ ।
फूलपातीका दिन सडकमा हिडिरहेका नरेश देउजालाई खुकुरी प्रहार गरी घाइते बनाएको आरोपमा मंगलबार काठमाडौंको सिनामंगलस्थित सुकुम्बासी बस्तीबाट विक्रम लिम्बूलाई पक्राउ गरिएको हो ।
पक्राउ परेका लिम्बूले व्यक्तिगत रिसइवी साँध्न खुकुरी प्रहार गरेको भन्ने बयान दिएको महानगरीय प्रहरी परिसरका काठमाडौंका प्रवक्ता होविन्द्र बोगटीले जानकारी दिएका छन् । घाइते देउजाको अहिले त्रिवि शिक्षण अस्पताल महाराजगञ्जमा उपचार भइरहेको छ ।
