साढे चार किलो चरेससहित गोंगबुबाट दुई युवा पक्राउ
काठमाडौं, २९ असोज । साढे चार किलो चरेससहित काठमाडौंको गोंगबुबाट जाजरकोटका दुई युवा पक्राउ परेका छन् ।
उनीहरुलाई गए राति पक्राउ गरिएको महानगरीय प्रहरी वृत्त महाराजगञ्जका डीएसपी उमेश मैनालीले जानकारी दिएका छन् ।
पक्राउ पर्नेमा जाजरकोटको नलगाढ नगरपालिका–१ घर भई अहिले चन्द्रागिरी नगरपालिका–१० थानकोट बस्ने २३ वर्षीय भुवन बुढामगर र जाजरकोटको नलगाढ नगरपालिका–३ घर हाल थानकोट बस्ने २८ वर्षीय नविनप्रकाश पुन रहेको डीएसपी मैनालीले बताएका छन् । उनीहरुमाथि थप अनुसन्धान भइरहेको प्रहरीले जनाएको छ ।
