बेलबारीमा आगालागी, करिब १० लाख बराबर क्षति
बेलबारी (मोरङ) : बेलबारी नगरपालिकाको वाड नं. ४ मा सुनिता राईको घरमा आगालागी भएको छ । आगालागीको कारण रार्इको घर पुर्ण रुपमा जलेको छ ।
आगोलागीबाट मानविय क्षती नभए पनि १० लाख बराबरको आर्थिक क्षति भएको पिडित राई बताइन् । के कारणले आगोलागी भएको भन्ने खुल्न सकेको छैन् । गाउँलेहरुले विद्युतको कारण आगोलागी भएको आशंका गरेका छन् ।
५ सदस्य राईको परिवारमा, सुनिता दुई जना नानीहरु सँग बेलबारी वाड नं. ४ मा बस्दै आएकी थिईन । उनको श्रीमान मनोज राई नेपाल आर्मीमा कार्यरत छन । एक छोरा भने पहाडमा नै बस्दै गरेको सुनिताले बताईन ।
आखाँबाट आशु खसाल्दै सुनिताले भनिन, ‘लाएको लुगा बाहेक केही जोगिएन, आगोले सबै खरानि बनायो । सुन, पैसा, नयाँ फर्निचर, धान, चामल, लुगा कपडा, घर बनाउन राखेको काठ, घर सबै जल्यो ।’
करिब दिउसो १ बजे लागेको आगो स्थानिय छिमेकी साथै बेलबारी ईलाका प्रहरी कार्यलयको सहयोगमा ४ घण्टा पछि मात्र आगो निभाउन सम्भव भएको राम बहादुर कार्की लगायत स्थानिय प्रत्यक्षदर्शीहरुले बताए । घरको बिच भागको छानो खसेकाले विद्युत प्रभाहमा समस्य आउदा आगो लागेको हुन सक्ने गाउलेहरुले बताउँछन ।
तत्कालिन राहतको लागि नगरपालिकाका उपमेयर ढाका पराजुली र बेलबारी ४ का वाड अध्यक्ष राम किराती घटना स्थल पुगेर खानको लागि चामल, दाल आवश्यक नुन तेल, एक सोरो लाउने लुगा, एक सेट ओड्ने ओछाउने राहात सामाग्री प्रदान गरेका छन् ।
