काठमाडौंमा विद्यालयको छानो खसेर किच्दा ३९ विद्यार्थी घाइते
काठमाडौं, ६ कार्तिक । काठमाडौंको तारकेश्वर नगरपालिकामा विद्यालयको छानो खसेर किच्दा ३९ विद्यार्थी घाइते भएका छन् ।
तारकेश्वर नगरपालिका–३ जितपुरस्थित विद्याकुञ्ज इङ्लिस सेकेण्डरी बोर्डिङ स्कुलको छानो भत्केर खस्दा कक्षा कोठामा रहेका ३९ विद्यार्थी किचिएर घाइते भएका प्रहरीले जानकारी दिएको छ ।
घाइते सबैको उद्धार गरेर मेडिसिटी अस्पताल लगिएको र घाइते सबैको अवस्था सामान्य रहेको महानगरीय प्रहरी परिसर काठमाडौंका एसएसपी उत्तमराज सुवेदीले जानकारी दिएका छन् । विद्यालय छानो ट्रसको भएकाले कमजोर भएर खसेको हुनसक्ने प्रहरीको अनुमान छ ।
