प्रधानमन्त्रीले किन डाके आजै आकस्मिक रुपमा दोस्रो पटक मन्त्रिपरिषद वैठक ?
काठमाडौं, १७ कार्तिक । मन्त्रिपरिषद वैठक सकिएको केहि घण्टामै प्रधानमन्त्री केपी शर्मा ओलीले आजै (आइतबार) आकस्मिक रुपमा मन्त्रिपरिषद वैठक बोलाएका छन् ।
प्रधानमन्त्री ओलीले आज साँझ ५ बजेका लागि मन्त्रिपरिषद् बैठक बोलाएका छन् । ओलीले आज दोस्रो पटक मन्त्रिपरिषद् बैठक बोलाएका हुन् । ५ बजेको बैठकका लागि आफू विराटनगरबाट काठमाडौं आउन लागेको सामान्य प्रशासनमन्त्री लालबाबु पण्डितले जानकारी दिएका छन् ।
आज बिहान मात्र पनि मन्त्रिपरिषद् बैठक बसेको थियो । बैठकले नेपाल मेडिकल काउन्सिलको अध्यक्षमा प्रा.डा. भगवान कोइरालालाई नियुक्त गर्नेलगायतका निर्णय गरेको थियो । प्रधानमन्त्री ओलीले आकस्मिक रुपमा बोलाएको मन्त्रिपरिषदको एजेण्डाका विषय भने अहिलेसम्म खुलाइएको छैन ।
