नेकपाको उम्मेद्धार जिताउन भक्तपुरमा भोट माग्दै माधबकुमार नेपाल
भक्तपुर, २९ कार्तिक । पूर्व प्रधानमन्त्री एवम् नेकपाका वरिष्ठ नेता माधवकुमार नेपाल आगामी मंसिर १४ गते हुने उपनिर्वाचनमा आफनो उम्मेद्धारलाई जिताउन भक्तपुरमा आएका छन् ।
उपनिर्वाचनका लागि आफनो आफनो दल प्रचारप्रचार तिव्र बनाएका बेला नेता नेपाल प्रदेशसभाका लागि भक्तपुर १ (क) बाट उम्मेद्वार बनेका देवीप्रसाद ढकाललाई जिताउन भक्तपुर आएका हुन् ।
उनले नेकपा उम्मेदवार डीपी ढकाललाई जिताउन भक्तपुरका जनतासँग भोट मागे । उनले अबको एकमात्र वाटो आर्थिक विकास र वेरोजगारीको अन्त्य भएको बताए ।
‘डीपी ढकालका पछाडि सिङ्गो नेकपा छ, सिङ्गो सरकार छ, सिङ्गो प्रदेश सरकार छ , सिङ्गो नगरपालिका छ ।’ नेपालले भने, ‘त्यसैले यस क्षेत्रको विकास र समृद्धिको नेतृत्व ढकालले मात्र गर्न सक्छन् ।’
उनले अबको एकमात्र वाटो आर्थिक विकास र वेरोजगारीको अन्त्य भएको वताएका छन्। आज भक्तपुरको सरस्वती खेलमा आयोजित चुनावी सभामा वोल्दै नेता नेपालले भने,‘अब सिङ्गो राष्ट्रको ध्यान आर्थिक क्रान्तिमा केन्द्रित हुनुपर्ने आवश्यकता छ ।’ नेपालले भावी पुस्तालाई समृद्ध र विकसित नेपाल हस्तान्तरण गर्नुपर्ने वताए।
चुनावी सभामा नेकपाका केन्द्रीय सदस्य एवम् सांसद महेश बस्नेतले ढकालको जित सुनिश्चित भैसकेको दावी गरे ।
भक्तपुर निर्वाचन क्षेत्र नम्बर १ प्रदेश नं. १ (क) प्रदेशसभा सदस्यका लागि हुने उपनिर्वाचनका नेकपाका उम्मेदवार देवीप्रसाद ढकाल (डिपी) को घरदैलो कार्यक्रममा स्वागत गर्दै मतदाता । रमेश गिरी
