सरकार शान्ति सुव्यवस्था कायम गर्न सक्षम : गृहमन्त्री
काठमाडौं, ७ मंसिर । गृहमन्त्री रामबहादुर थापाले सरकार शान्ति सुव्यवस्था कायम गराउन सक्षम भएको बताएका छन् ।
शुक्रबार काठमाडौँमा आयोजित ‘अन्तर्रा्ष्ट्रिय बौद्ध एकता सम्मेलन’लाई सम्बोधन गर्दै गृहमन्त्री थापाले देशमा अशान्ति फैलाउने तत्वहरु देखिए पनि सरकार शान्ति सुव्यवस्था कायम गर्न सक्षम रहेको दाबी गरेको हो ।
यस्तै मन्त्री थापाले शान्ति प्रकृयालाई टुंगोमा पु¥याउन प्रतिवद्ध रहेको बताए । नेपाली जनताको एकतालाई अझ सुदृढ गर्नको निम्ति सरकारले शान्ति प्रकृयालाई छिट्टै टुङ्ग्याउने गरी काम गरिरहेको जानकारी दिए ।
सरकारले राखेको समृद्ध नेपाल सुखी नेपालीको आकांक्षालाई हासिल गर्न पनि शान्ति आवश्यक रहेको उनको भनाई छ ।
गृहमन्त्री थापाले सम्मेलनमा नेपाली कांग्रेसका नेता तथा सांसद भीमसेनदास प्रधानले बुद्धका सन्देशहरुलाई सरकार तथा राजनीतिक दलहरुले आत्मसाथ गर्न सके मुलुकमा शान्ति कायम रहने बताए ।
विभिन्न देशबाट सहभागि रहेका बौद्ध भिच्छु लामाहरुको यो सम्मेलन दुई दिन सम्म चल्ने छ ।
