कराँतेकी सुनिताले दिलाइन् स्वर्ण, जितपछि रोक्न सकिनन् हर्षका आँशु (फोटो फिचर)
काठमाडौं, १७ मंसिर । सुनिता महर्जनले १३ औं दक्षिण एसियाली खेलकुद (साग)को कराँतेमा नवौँ स्वर्ण दिलाएकी छिन् । करातेको कुमिते ६७ केजी समूहमा नेपालकी सुनिता महर्जनले स्वर्ण पदक जितेकी हुन् ।
सातदोबोटोस्थित कराते हलमा मंगलबार भएको फाइनलमा सुनिताले कुल्सुनलाई ८–२ अंकले पराजित गरिन् ।
यसअघि सुनिता महर्जनले बंगलादेशकी मोरेम खातुनलाई १०–२ अंकले पराजित गर्दै फाइनलमा प्रवेश गरेकी थिइन् । पाकिस्तानी कुल्सुन भने श्रीलंकाकी खेलाडीलाई पराजित गर्दै फाइनलमा पुगेकी थिइन् ।
योसँगै दोस्रो दिन नेपालले करातेमा ९ स्वर्ण, ३ रजत र २ कास्य पदक जितेको छ ।
जितपछि उनी हर्षले मैदानमा रोएकी थिइन् ।
