कप्तान सुजलको गोलमा नेपाललाई अग्रता
काठमाडौं, १८ मंसिर । १३ औं दक्षिण एसियाली खेलकुद अन्तर्गत पुरुष फुटबलमा नेपालले अहिले श्रीलंकासँग प्रतिस्पर्धा गरिरहेको छ । दशरथ रंगशालामा नेपालले अग्रता बनाएको छ ।
नेपालले सुजल श्रेष्ठको पेनाल्टी गोलमा १-० अग्रता बनाएकाे छ । उनले पेनाल्टीमार्फत गोल गर्दै नेपाललाई अग्रता दिलाए । श्रीलंकाली डिफेन्डरले एक्रोब्याटिक क्लियर गर्ने क्रममा अनन्त तामाङको टाउकोमा हानेपछि नेपालले पेनाल्टी पाएको थियो ।
पहिलो हाफको अन्त्यतिर नेपालका गोलरक्षक विकेश कुथुले पनि एक राम्रो बचाउ गरेका थिए । लगातार दोस्रो जितको खोजिमा रहेको नेपालले पहिलो खेलमा भुटानलाई हराएको थियो ।