बंगलादेशद्धारा नेपाललाई मध्यम लक्ष्य, पारसको उत्कृष्ट बलिङ


२१ मंसिर २०७६, शनिबार
parash khadga

काठमाडौं, २१ मंसिर । १३ औं दक्षिण एसियाली खेलकुद (साग) पुरुष टि ट्वान्टी क्रिकेटमा बंगालदेश युु–२३ ले नेपाललाई १ सय ५६ रनको लक्ष्य दिएको छ ।

शनिवार विहान टियु क्रिकेट मैदानमा टस हारेर ब्याटिङ थालेको बंगलादेशले निर्धारित २० ओभरमा ६ विकेट गुमाउँदै १ सय ५५ रन बनायो । उसका लागि कप्तान नज्मुल हसन सान्टो र अफिफ हुसैनले अर्ध शतक प्रहार गरे ।

  बंगलादेशका कप्तान नज्मुल हसन सान्टो  अविजित ७५ रन अफिफ हुसैन ५२ रन, ओपनर मोहम्मद नइम शेखलाई ६ रन, अर्को सौम्य सरकार ६ रन र यासिर अलीले ४३ रन बनाए । 

पाँचौ विकेटका लागि अफिफ हुसैन र सान्टोले रनको साझेदारी गरेपछि बंगलादेश बलियो योगफलमा पुगेको हो । 

पारसको उत्कृष्ट बलिङ
नेपालका लागि पारस खड्काले ४ ओभरमा १५ रन खर्चेर ३ विकेट लिए । दीपेन्द्र सिंह ऐरीले ४ ओभरमा ३१ रन खर्चेर २ विकेट लिए । अभिनास बोहोराले ३ ओभरमा ३० रन खर्चेर १ विकेट लिए ।

खराब सुरुवात गरेको बंगलादेशलाई नज्मुल हसन सान्टो र यासिर अलीले चौथो विकेटको लागि ४३ रनको रनको साझेदारी गर्दै इनिङ उकासेका थिए । ११ औं ओभरको दोस्रो बलमा अभिनास बोहोराले याशिरलाई ज्ञानेन्द्र मल्लबाट १४ रनमा क्याच गराउँदै साझेदारी तोडेका थिए ।

अफिफलाई अन्तिम ओभरको चौथो बलमा दीपेन्द्र सिंह ऐरीले बोल्ड आउट गरे । लगत्तै पाँचौ बलमा दीपेन्द्रले महीदुल इस्लाम अनोकनलाई पारस खड्काबाट शून्यमा क्याच आउट गराए । धरमराएको बंगलादेशको इनिङलाई पाँचौ विकेटका लागि अफिफ र नज्मुलले ९४ रनको साझेदारी गर्दै बलियो योगफल बनाए ।

बंगलादेशका कप्तान नज्मुल हसन सान्टो ६० बलमा समान ४ चौका र छक्का सहित ७५ रनमा अविजित रहे । त्यस्तै अफिफ हुसैन २८ बलमा ६ चौका र १ छक्का सहित ५२ रनमा बोल्ड आउट भए ।

अफिफलाई अन्तिम ओभरको चौथो बलमा दीपेन्द्र सिंह ऐरीले बोल्ड आउट गरे । लगत्तै पाँचौ बलमा दीपेन्द्रले महीदुल इस्लाम अनोकनलाई पारस खड्काबाट शून्यमा क्याच आउट गराए ।

दोस्रो ओभरको तेस्रो बलमा पारस खड्काले ओपनर मोहम्मद नइम शेखलाई ६ रनमा बोल्ड आउट गरेका थिए । अर्का ओपनर सौम्य सरकारलाई चौथो ओभरको तेस्रो बलमा पारसले करण केसीबाट ६ रनमा क्याच आउट गराए । पारसले लगतै पाँचौ बलमा सैफ हसनलाई शून्यमा बोल्ड आउट गरे ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७