बंगलादेशविरुद्ध नेपाललाई अग्रता
काठमाडौं, २२ मंसिर । जारी १३ औँ दक्षिण एसियाली खेलकुद (साग)मा बंगलादेश विरुद्ध नेपालले अग्रता लिएको छ । त्रिपुरेश्वरस्थित दशरथ रंगशालामा आइतबार भइरहेकाे खेलमा मिडफिल्डर सुनिल बलको गोलमा नेपालले राउन्ड रोविनको लिगको अन्तिम खेलमा बंगलादेशमाथि पहिलो हाफमा १–० को अग्रता लिएको हो ।
कप्तान सुजल श्रेष्ठको पासमा दोस्रो बार च्याप्दै गोल गरेका थिए । नेपालले खेलको शुरुवात देखि नै बंगलादेशलाई दवावमा राखेको थियो । यो खेलमा जित हात पारे नेपाल समूह विजेता बन्नेछ ।
बराबरीको अवस्थामा नेपाल उपविजेता बन्दै फाइनल पुग्नेछ । हारले भने नेपालको फाइनल पुग्ने सम्भावना सकिनेछ ।
आजको खेलमा विजयी हुने टोलीले मंगलबार स्वर्णका लागि भुटानसँग खेल्नेछ । भुटानले यसअघि शनिबारको खेलमा श्रीलंकालाई हराउँदै फाइनलमा स्थान पक्का गरेको थियो ।
