नेपाललाई देविका खड्काले दिलाइन् जुडोमा स्वर्ण
ललितपूर, २२ मंसिर । १३ औं दक्षिण एसियाली खेलकुद (साग) अन्तर्गत जुडोमा नेपालले स्वर्ण पदक जितेको छ।
सातदोबाटोस्थित आर्मीको कभर्डहलमा भइरहेको खेलमा नेपाललाई देविका खड्काले स्वर्ण दिलाएकी हुन्।
देविकाले ५२ केजी तौल समूहमा नेपाललाई स्वर्ण दिलाएकी हुन्। देविकाले अन्तिम खेलमा बंगलादेशकी ताहामिदा जेरिनलाई पराजित गर्दै स्वर्ण हात पारेकी हुन् ।
उनले यसअघि श्रलिंका तथा भारतकी खेलाडीलाई पराजित गर्दै स्वर्ण नजिक पुगेकी थिइन् ।
स्वर्ण पदक विजयी खड्का प्रसन्न मुद्रामा तेह्रौँ दक्षिण एशियाली खेलकूद (साग) प्रतियोगिताअन्तर्गत ललितपुरको नेपाल आर्मी कबडहल लगनखेलमा आइतबार भएको जुडो ५२ केजी समूहमा स्वर्ण पदक जितेपछि प्रसन्न मुद्रामा नेपाली खेलाडी देबिका खड्का । तस्वीरः रोशन सापकोटा/रासस