कप्तान निरु र मनमायाले अन्तर्राष्ट्रिय फुटबलबाट सन्यासको घोषणा
काठमाडौं,२३ मंसिर । महिला राष्ट्रिय फुटबल टोली कप्तान निरु थापा र मनमाया लिम्बु अन्तर्राष्ट्रिय फुटबलबाट सन्यास घोषणा गरेका छन् ।
१३ औं दक्षिण एसियाली खेलकुद(साग) अन्तर्गत महिला फुटबलको फाइनलमा सोमबार भारतसँग २–० ले पराजित भएलगत्तै निरु र मनमायाले सन्यासको घोषणा गरेका हुन् ।
सागको फाइनलमा पराजित भएसँगै हरि खड्काले पनि टोलीको मुख्य प्रशिक्षकबाट राजिनामाको घोषणा गरेका थिए । सागका अहिले सम्मका तीन पटककै फाइनलमा नेपाल भारतसँग नै पराजित भएको थियो । निरु फरवार्ड र मनमाया डिफेन्स हुन् । निरुले सागमा टोलीलाई स्वर्ण पदक दिलाएर सन्यास लिने चाहना रहेको बताउँदै आएकी थिइन् ।
