उधौलीको शुभकामना व्यक्त गर्दे हर्षोल्लासपूर्ण मनाउन उपसभामुखको अपिल
काठमाडौं, २६ मंसिर । किराँत समुदायको महान् चाड साकेला उधौलीका अवसरमा डा. शिवमाया तुम्वाहाङफेले देशविदेशमा रहेका नेपाली किराँत दिदी बहिनी तथा दाजुभाइलाई हार्दिक शुभकामना व्यक्त गरेकी छिन् ।
किराँत चाड उधौली पर्वका अवसरमा शुभकामना सन्देश प्रकाशित गर्दै उनले नेपालीबीच सदियौँदेखि रहँदै आएको पारस्परिक सदभाव, भ्रातृत्वपूर्ण सम्बन्ध र सहिष्णुताको भावनालाई अझ प्रगाढ बनाउने प्रेरणा मिलोस् भन्ने कामना गरेकी छिन् ।
उनले उधौलीजस्ता चाडवाडले नेपाली धर्म, परम्परा र संस्कृतिलाई जीवन्त राख्न र नयाँ पुस्तामा हस्तान्तरण गर्न सहयोग पुग्ने विश्वास व्यक्त गर्दै हर्षोल्लासपूर्ण मनाउन अपिल पनि गरेकी छिन् ।
