नवराज सिलवाल क्वालालाम्पुरको कार्यक्रममा


प्रकाशित मिति : January 2, 2018

 

काठमाडौं: पूर्वडीआईजी नवराज सिलवाललाई काठमाडौं प्रहरी परिसरले पक्राउ गर्न पूर्जी जारी गरेको छ । कार्यसम्पादन मूल्यांकन कीर्ते गरेको अभियोगमा सिलवालविरुद्ध परिसरमा कीर्ते मुद्दाको जाहेरी दर्तापछि अनुसन्धानका लागि सिलवाललाई पक्राउ गर्न पूर्जी जारी गरिएको हो ।
यसैबीच नवनिर्वाचित सांसद नवराज सिलवाल एशियन इन्ष्टिच्युट अफ टेक्नोलोजीद्वारा आयोजित ‘इष्ट एशियन इनिसियटिभ्स इन द कम्युनिटी डेभलपमेण्ट विथ स्पेशियल फोकस टु वुमन’ विषयक कार्यक्रममा भाग लिन मलेसियाको राजधानी क्वालालम्पुर पुगेका छन् ।

सिलवालमाथि आज नेपाल प्रहरीले कीर्ते मुद्दामा पक्राउ पुर्जी जारी गरेको थियो । उनि एयर एशियाको नियमित उडानबाट सोमबार साँझ मलेसिया गएको हो ।

एमाले ललितपुरका प्रचार विभाग प्रमुख अमृतनाथ तिमल्सिनाले सिलवाल हाल फरार रहेको भनी कतिपय सञ्चार माध्यमले गलत सूचना प्रवाह गरेको दाबी गरे । रासस

प्रतिक्रिया दिनुहोस्