हेलिकोप्टर दुर्घटनामा ताइवानी सेनापतिसहित आठ जनाको मृत्यु
ताइपेइ, १७ पुस । हेलिकोप्टर दुर्घटनामा परी ताइवानका सेनापतिको ज्यान गएको त्यहाँको रक्षा मन्त्रालयले जनाएको छ ।
प्रधानसेनापति सेन यी मिङसहित १३ जना सवार ब्ल्याक हक हेलिकोप्टरमा समस्या आएपछि बिहीबार उत्तरी ताइवानको पहाडमा आकस्मिक अवतरण गरिएको थियो । दुर्घटनामा ८ जनाको मृत्यु भएको छ ।
उनी उत्तरपूर्वी क्षेत्रमा रहेका सैनिकहरूलाई भेट्न जाँदै थिए । यसअघि रक्षा मन्त्रालयलाई उधृत गर्दै अन्तर्राष्ट्रिय सञ्चारमाध्यमले उनी बेपत्ता भएको जनाएका थिए । एजेनसी
