कर्णाली नदीमा जीप खस्यो, चार जनाको मृत्यु
बाजुरा, १७ पुस । कर्णाली नदीमा जीप खस्दा चार जनाको ज्यान गएको छ । बाजुराको हिमाली गाउँपालिका भएको जीप दुर्घटनामा चार जनाको ज्यान गएको स्थानीय प्रहरीले जानकारी दिएको छ ।
से १ ज १०६४ नम्बरको जीप बिहीबार कर्णाली नदीमा खसेको हो । प्रहरीका अनुसार जीप धुलाचोरबाट कोल्टी जाने क्रममा दुर्घटनामा परेको हो ।
दुर्घटनामा चार जना घाइते र एक जना बेपत्ता छन् । मृतकमध्ये चालक रमेश शाहीको मात्र सनाखत भएको प्रहरीले जनाएको छ । घटनाबारे थप जानकारी लिने काम भइरहेको प्रहरीले जनाएको छ ।
