गंगाराज राईको ‘सपनाको संसार’ सार्वजनिक (भिडियोसहित)
काठमाडौं : प्रवासमा रहेका गंगाराज राईले अंग्रेजी नयाँ वर्षको अवसर पारेर नयाँ गीत ‘सपनाको संसार’को सार्वजनिक गरेका छन् । युकेमा बस्दै आएका गायक राईले मंगलबार गीतको भिडियो सार्वजनिक गरेको हो । सपनाको संसार बोलको म्युजिक भिडियो भने नेपाल मै तयार पारिएको हो ।
बेलायत निवासी गीतकार डिल्लीराम राईले रचना गरेको उक्त गीतको संगीत कल्याण सिंहको रहेको छ भने गीतलाई एरेन्ज महाराज थापाले गरेका हुन् ।
चर्चित कार्यक्रम प्रस्तुता एबम मोडल अभिनेता सुरज सिंह ठकुरीको सशक्त अभिनय रहेको भिडियोलाई बुद्ध थापाले खिचेका हुन् भने भिडियोको सम्पादन निशान घिमिरेले गरेका हुन् । भिडियोलाई चर्चित भिडियो निर्देशक निकेश खड्गाले निर्देशन गरेका हुन् ।
नेपाली सांगीतिक क्षेत्रमा लामो समय देखि प्रवासमा रहेर पनि आफ्ना उत्कृष्ट गीतहरुबाट हजारौ दर्शक र श्रोताहरुको मनमा बसिसकेका छन् ।
