गुडिरहेको बाइकमा आगो लागेपछि……..
काठमाण्डौं : काठमाण्डौंको पूरानो बसपार्क अगाडि शुक्रबार एक बाइकमा अचानक आगो लागेको छ । गुडिरहेको मोटरसाइकलबाट अचानक धुँवा आउन थालेपछि चालक राजेन्द्र कडेलले छेउमा साइड लगाएका थिए ।
साइड लगाए लगत्तै वाइकमा ह्वार्रै आगो बलेको थियो । बा ८३ प ९२९८ नम्बरको २२० सीसीको पल्सरमा अचानक आगो लागेपछि दमकल आएर आगो निभाएको थियो । के कारणले आगो लाग्यो भन्नेबारे अनुसन्धान भइरहेको जनाइएको छ ।
