घट्यो सुनको मूल्य
काठमाडौं, ८ माघ । बुधबार सुनको मूल्य घटेको छ। सुनचाँदी व्यावसायी महासंघका अनुसार आजको लागि छापावाल सुनको मूल्य ७४ हजार ८ सय निर्धारण गरिएको छ।
यो मंगलबारको तुलनामा ५ सयले घटेको हो। मंगलबार छापावाला सुनको मूल्य ७५ हजार ३ सय कायम गरिएको थियो।
यस्तै तेजावी सुनको ७४ हजार ५ सयमा कारोबार भइरहेको छ।
चाँदीको मूल्य भने १५ रुपैयाँ घटेको छ। मंगलबार ८ सय ९५ रुपैयाँमा कारोबार भएको चाँदीको मूल्य आज ८ सय ८० निर्धारण गरिएको छ।
