श्रीमानलाई रक्सी खोज्न पठाएर असक्त महिलामाथि बलात्कार
बेनी, ९ माघ । म्याग्दीको रघुगंगा गाउँपालिका–२ भगवतीकी एक असक्त महिला बलात्कृत भएकी छिन् ।
बलात्कारको आरोपमा प्रहरीले एक जनालाई पक्राउ गरेको छ । रघुगंगा–२ का ५२ वर्षीय डिलबहादुर केसीलाई बलात्कार गरेको आरोपमा पक्राउ गरिएको जिल्ला प्रहरी कार्यालय म्याग्दीले जनाएको छ ।
प्रहरी निरीक्षक ध्रुबप्रसाद शर्माका अनुसार केसीले बोल्न नसक्ने अशक्त महिलालाई बलात्कार गरेको जाहेरी परेपछि पक्राउ गरिएको हो । माघ २ गते घरमै आएर बलात्कार गरेको पीडितले दिएको जाहेरीमा उल्लेख छ । उनी घरेलु मदिरा पिउने बाहनामा पीडितको घरमा गएका थिए ।
श्रीमानलाई रक्सी खोज्न पठाएर जबरजस्ती गरेको पीडितको भनाई छ । माघ ४ गते पक्राउ गरिएका केसीलाई बिहीबार जिल्ला अदालतबाट अनुसन्धानका लागि दोस्रो पटक म्याद थप गर्ने तयारी भएको छ । केसी विरुद्ध करणीसम्बन्धी कसुरको जबरजस्ती करणी गरेको आरोपमा मुद्दा दर्ता गरिएको छ ।