धोविखोलामा सालनालसहितको शिशुको शव फेला
काठमाडौं, ९ माघ । काठमाडौं चाबहिलको धोविखोलामा सालनालसहितको शिशुको शव फेला परेको छ । आन्दाजी ६–७ महिनाको शिशुको शव खोला किनारमा भेटिएको हो ।
शिशुको शव सालनालसहित कपडाले बेरेको अवस्थामा भेटिएको काठमाडौं प्रहरी परिसर टेकुका डीएसपी होविन्द्र बोगटीले जानकारी दिए ।
‘कानूनी प्रक्रिया पूरा गरेर अहिले पोष्टमार्टमका लागि त्रिवि शिक्षण अस्पताल पठाउने तयारी भइरहेको छ’, बोगटीले भने, ‘शिशु कसको हो भन्ने विषयमा अनुसन्धान अगाडि बढाएका छौं ।’