आस्था राउतमाथि अन्याय भयो : सांसद नविना लामा
काठमाडौं, १३ माघ । जिल्ला प्रशासन कार्यालय काठमाडौंले गायिका आस्था राउतलाई चार दिन हिरासतमा राख्न प्रहरीलाई अनुमति दिएको समाचार आइरहेका बेला सांसद नविना लामाले गायिका राउतमाथि अन्याय भएको बताएकी छन् ।
गायिका राउतले आत्मालोचना गर्दै माफी मागिसकेको अवस्थामा फेरि चार दिन हिरासतमा राख्न किन पर्यो ? भन्दै सांसद लामाले जिज्ञासा राखेकी छन् ।
गायिका राउत र महिला प्रहरीबीचको भनाभनको भिडियोमा महिला प्रहरीको समेत गल्ती देखिएको भन्दै सांसद लामाले उनीमाथि चाँहि किन कुनै कार्वाही भएन भन्दै प्रश्न गरेकी छन् । नेपाल प्रहरीका कारण पनि सरकार पटक–पटक बदनाम हुने परेको अवस्था रहेको बताउँदै सांसद लामाले प्रहरीलाई पनि नैतिक शिक्षा दिन जरुरी रहेको बताएकी छन् ।
