‘तपश्वी’ बमजनलाई पक्रिन प्रहरी टोली सिन्धुली आश्रममा
सिन्धुली, २४ माघ । बलात्कार, हत्या, हिंसालगायतका विभिन्न आरोप लागेका ‘तपश्वी’ रामबहादुर बमजनलाई पक्राउ गर्न प्रहरीको टोली आज (शुक्रबार) बिहानै सिन्धुलीस्थित उनको आश्रममा पुगेको छ ।
बमजनविरुद्ध आनीहरूको यौन शोषण गरेको, बेपत्ता पारेको, हत्या, हिंसालगायत आरोप लागेका छन् ।
उनलाई पक्राउन गर्न सिन्धुली जिल्ला अदालतबाट बिहीबारै अनुमति लिइएको प्रहरी स्रोतले जानकारी दिएको छ ।
सिन्धुली जिल्ला प्रहरी कार्यालयकी प्रमुख प्रहरी उपरीक्षक रञ्जु सिग्देलले यसबारे केहीबेरमा विस्तृत जानकारी दिने बताएकी छन् ।