ओमानविरुद्ध कुशलले दिलाए पहिलो सफलता
काठमाडौं, २६ माघ । नेपालका युवा अलराउण्डर कुशल मल्लले नेपाललाई पहिलो सफलता दिलाएका छन् । त्रिवि क्रिकेट मैदानमा भइरहेको आईसीसी विश्वकप लिग २ त्रिकोणात्मक सिरिजअन्तर्गत ओमानविरुद्धको दोस्रो खेलमा कुशलले पहिलो विकेट दिलाएका हुन् ।
ओमानले ५० रन बनाउँद पनि कुनै विकेट लिन नसकेको अवस्थामा उनले ११.१ ओभरमा विकेट लिए । कुशल मल्लले जतिन्दर सिंहलाई बोल्ड गरेका हुन् । उनी २३ रन बनाएर पभेलियन फर्किएका छन् ।
अमेरिका विरुद्धको खेलमा डेब्यु गरेको उनले पहिलो इनिङमा २४ बलमा २ चौका र २ छक्का सहित २८ रन बनाए ।
अमेरिका विरुद्ध उनले एकदिवसिय क्रिकेटमा अर्धशतक प्रहार गर्ने विश्वकै कान्छो खेलाडी कीर्तिमान समेत राखेका छन् । उनले १५ वर्ष ३ सय ४० दिनमा अर्धसतकीय इनिङ खेल्दै कीर्तिमान बनाएका हुन् ।
कुशलले नेपालकै रोहितकुमार पौडेलको कीर्तिमान तोडेका हुन् । उनी अमेरिकाविरुद्ध रोहितकै स्थानमा पहिलो रोजाइमा पर्दै उनले ओडिआईमा डेब्यू गरेका थिए । अमेरिकाविरुद्ध उनले ३६ औं ओभरको दोस्रो बलमा करिमा गोरको बलमा क्याच आउट हुनुअघि ५१ बलमा ४ चौका र ३ छक्का प्रहार गरे । कुशलले ४९ बलमा डेब्यू अर्ध शतक प्रहार गरेका थिए ।
कुशलले पहिले खेलमा १० ओभरमा १ मेडन राखेर रन खर्चेर १ विकेट समेत लिएका छन् ।
