बाबुको कुटाइबाट गयो छोरीको ज्यान
काठमाडौं, २ फागुन । सन्तानका लागि बाबु अभिभावक र संरक्षक दुबै हुन् । तर, त्यति संरक्षक बाबुको कुटाइबाट झापामा एक छोरीको ज्यान गएको छ ।
झापाको शिवसताक्षी नगरपालिका–९ मा बञ्चरोको विडले हिर्काएर बाबुले झड्केली छोरीको हत्या गरेका छन् । शिवसताक्षीका ४६ वर्षिय भिमबहादुर ठटालले २६ वर्षकी छोरी रेखा ठटाल लिम्बूको हत्या गरेका हुन् ।
स्थानीयका अनुसार २६ वर्षीय रेखालाई उनका वाबुले बञ्चरोको विडले हिर्काएका थिए । बाबुको कुटाइबाट गम्भिर घाइते रेखाको बिर्तामोडस्थित विर्ता सिटी हस्पिटलमा उपचारको क्रममा शुक्रबार विहान मृत्यु भएको इलाका प्रहरी कार्यालय झिलझिलेले जनाएको छ । ठटालले मादकपदार्थ सेवन गरी छोरीलाई कुटेको प्रहरीले जनाएको छ ।
