न्युजिल्याण्डसँग भारत १० विकेटले पराजित
काठमाडौं, १२ फागुन (एजेन्सी) । न्युजिल्यान्डसँगको पहिलो टेष्ट क्रिकेटमा भारत १० विकेटले पराजित भएको छ । पहिलो इनिङमा १ सय ६५ मा अलआउट भयो । जवाफमा न्युजिल्यान्डले कप्तान विलियमसनको ८९ रनको मदतले ३ सय ४८ रन बनाएको थियो ।
चौथो दिनको खेलमा भारत दोस्रो इनिङमा १ सय ९१ रनमा नै अलआउट भएपछि न्युजिल्यान्डले मात्र ९ रनको लक्ष्य पाएको थियो । लक्ष्य मात्र १० बलमा पूरा गर्दै न्युजिल्यान्डले सहज जित दर्ता गर्यो ।
भारतका लागि अजिन्क्या रहाने २९ रन बनाए भने हनुमा विहारी १५ रनमा बोल्ड भए । आश्विन ४ रन तथा ऋषभ पन्तले २५ रन जोड्दै क्याचआउट भए भने जस्प्रित बुमारहले खाता खोल्न सकेनन् । न्युजिल्यान्डका लागि साउथीले ५ तथा ट्रेन्ट बोल्टले ४ विकेट हात पारे ।
भारतलाई अलआउट गर्न न्युजिल्यान्डका लागि टिम साउथीले ५ तथा ट्रेन्ट बोल्टले ४ विकेट लिए । टिम साउदी खेलको म्यान अफ दि म्याच घोषित भए ।
जितसँगै २ खेलको टेस्ट सिरिजमा न्युजिल्यान्डले १-० को अग्रता लिएको छ ।
