अभिनेता विजय बरालले गरे नाट्यकर्मी खनालसँग बिवाह
काठमाडौं, १६ फागुन । अभिनेता विजय बरालले र कलाकार तथा नाट्यकर्मी प्रमिला खनालसँग बिवाह गरेका छन् । अभिनेता बराल र अभिनेत्री खनालले बिहिबार परम्परागत रूपमा बिवाह गरेका हुन् ।
बिहिबार काठमाडौंको एक पाटी प्यालेसमा बराल र खनालको लगनगाँठो कसिएको हो ।
यी दुबैजनाको चिनजान नाटकमा काम गर्ने सिलसिलामा भएको थियो । मण्डला थिएटरका कलाकार विजय र प्रमिलाले सँगै थुप्रै नाटक र चलिचत्रमा समेत काम गरेका छन् ।
अभिनेता विजय कबड्डी श्रृंखला लगायत एक दर्जनभन्दा बढी चलचित्रमा काम गरेका छन् । अभिनेत्री प्रमिलाले पनि थुप्रै नाटकमा काम गरिसकेकी छिन् ।
विजयले ‘डिग्री माइला’, ‘सिरूमा नानी’, ‘माइलो’, ‘बिल गेट्स’ र ‘मितज्युजस्ता नाटक खेलिसकेका छन् । उनी ‘कबड्डी’ श्रृंखलामा ‘विके’ भनेर पनि परिचित छन् ।