वुहानका नेपाली लिन गएका १८ जना सबैमा कोरोना संक्रमण नभएको पुष्टि
काठमाडौं, १८ फागुन । चीनको वुहानबाट १७५ नेपालीलाई लिएर फर्केको विमानका चालक दलका सबै १८ सदस्यमा कोरोना भाइरसको संक्रमण रहनेको स्वास्थ्य मन्त्रालयले जनाएको छ ।
नेपाल वायुसेवा निगमको विमानका १८ जना नै चालक दलका सदस्यमा दुई सातासम्म पनि कुनै स्वास्थ्य समस्या नरहेको स्वास्थ्य सचिव खगराज बरालले जानकारी दिएका छन् ।
‘उहाँहरुलाई १५ दिन नगरकोटमा अलग्गै राखिएको थियो,’ सचिव बरालले भने । उनका अनुसार शनिबार सबै जनाको दोस्रो स्वास्थ्य परीक्षण गरिएको थियो । जसमा कोही पनि संक्रमित भएका छैनन् ।
फर्काइएका १७५ जनालाई भने खरिपाटीमा क्वारेन्टाइनमा राखिएको छ । उनीहरुको पनि परीक्षणको रिपोर्ट सोमबारसम्ममा आउने जनाइएको छ ।
