एनआईसी एशिया रेमिटबाट देशभित्र निःशुल्क पैसा पठाउन सकिने


प्रकाशित मिति : March 3, 2020

काठमाडौं, २० फागुन । एनआईसी एशिया बैंकले ग्राहकहरुका लागि रेमिट्यान्स सेवामा अफर ल्याएको छ।

एनआईसी एशिया रेमिटमार्फत निःशुल्क आन्तरिक रेमिट्यान्स पठाउन सकिने सुविधा सञ्चालनमा ल्याएको छ । यो योजना अन्तर्गत एनआईसी एशिया बैंकका देशभर फैलिएका सम्पूर्ण शाखा र विस्तारित काउण्टरहरूबाट नेपालभरी एक ठाउँबाट अर्को ठाउँमा सित्तैमा रकम पठाउन सकिनेछ ।

यो योजना अनुसार २०७६ फागुन १८ देखि २०७७ वैशाख १७ गतेसम्म देशभित्र रकम पठाउँदा कुनै पनि शुल्क नलाग्ने व्यवस्था बैंकले गरेको छ । यस बैंकका ३१९ शाखा, १०७ विस्तारित काउण्टर, ५६ वटा शाखारहित बैंकिङ्ग इकाई एवं ९,००० भन्दा बढी सहायक प्रतिनिधिहरू मार्फत सरल रुपमा भुक्तानी पाउन सकिनेछ ।

प्रतिक्रिया दिनुहोस्