अभिनेता टम ह्यांक्स दम्पतीलाई कोरोना संक्रमण, गराए यस्तो जानकारी
काठमाडौं, २९ फागुन । हलिउड अभिनेता टम ह्यांक्स दम्पतीलाई कोरोना भाइरसबाट संक्रमित भएका छन् ।
ह्यांक्स दम्पतीलाई केही लक्षणहरू देखापरेपछि चेकजाँच गर्दा उनीहरूमा कोरोना भाइरस ‘पोजेटिभ’ देखिएको उनको सोसल मिडियामार्फत जानकारी दिइएको छ ।
अस्ट्रेलियामा रहेका ६३ वर्षीय टम ह्यांक्स र उनकी पत्नी रीटा विल्सनलाई चिसो लाग्दा हुने थकान र शारिरिक पीडा भएपछि कोरोना भाइरसको आशंका लागेर परीक्षण गर्दा ‘पोजेटिभ’ देखिएको उनले ट्वीटरमा उल्लेख गरेका छन् ।
कोरोना भाइरस संक्रमण पुष्टि भएपछि चिकित्सकको निगरानीमा रहेका अभिनेता टमले चिकित्सकहरूको नियमलाई पालना गर्ने बताएका छन् ।