निता काङमाङ बनिन् राई विद्यार्थी सुनसरीको पहिलो महिला अध्यक्ष
धरान, ३० फागुन । निता राई किरात राई विद्यार्थी संघ सुनसरी जिल्ला कार्य समितिको पहिलो महिला बनेकी छिन् । महेन्द्र बहुमुखी क्याम्पसमा स्नाकोत्तर तहमा अध्ययनरत उनी संघको सातौँ जिल्ला सम्मेलनबाट अध्यक्षमा निर्वाचित भएकी हुन् ।
धरान स्थित किरात राई यायोक्खा भवन यलम्बर स्मृति संग्रालयमा भएको सम्मेलनमा उनको नेतृत्व १७ सदस्यीय जिल्ला कार्यसमिति चयन भएको हो । यसअघि समिप राई, सन्तोष मुक्मिन राई, यलमहाङ राई, भिमज्वाला राई, देवान किराती लगायतका विद्यार्थीहरु अध्यक्ष भएका थिए ।
सातौ सम्मेलनबाट निता राईको अध्यक्षता १७ नयाँ कार्यसमिति गठन गरिएको छ । उपाध्यक्षमा सुस्मा राई, सचिवमा हेमराज राई, सहसचिवमा अर्जुन राई, कोषाध्यक्षमा अनिल राई, संगठन विभाग प्रमुखमा युवराज राई चयन भएका छन् ।
त्यस्तै प्रचार प्रचार विभागमा सीमा राई, महिला विभागमा जुनु राई, प्रशिक्षण विभागमा परिना राई, अतिरिक्त क्रियाकलाप विभागमा उपार्जुन राई चयन भएका छन् । सदस्यहरुमा मनिसा राई, कल्पना राई र विक्रम राई रहेका छन् ।
सम्मेलनमा केन्द्रीय अध्यक्ष जितेन राई, केन्द्रीय उपाध्यक्ष सन्तोष मुक्मिन राई, महासचिव रविन राई, सचिव प्रविणा राई, किराया सुनसरी जिलला सचिव राजेन्द्र राई, वरिष्ठ पत्रकार जनकक्रृर्षि राई लगायतको उपस्थिती रहेको थियो ।
समुदायलाई भाड्न छोडेर मिल्न आउनुहोस् : अध्यक्ष जितेन राई
कार्यक्रम संघका केन्द्रीय अध्यक्ष राईले असन्तुष्टका नाम समान्तर संगठनको अभ्यास गर्न खोज्ने समुहलाई समुदायमा बिद्धेष फैलाउन छोडेर मिल्न आउनु आग्रह गरेका छन् ।
उनले भने,‘म अनुरोध गर्ने चाहन्छु, किरात राई विद्यार्थी संगठनलाई विभाजन गरेर, भद्रगोल र्सिजना गरेर, समुदायमा विद्धेष फैलाउन छोडेर मिल्न आउनुहोस् ।’
यस्तै संघकै पूर्व नेताहरू विभाजन गर्न लागिपरेको आरोप लगाए । ‘दुखकोसाथ भन्नुपर्छ, किरात राई विद्यार्थी संघले उठाएको एजेण्डाहरुलाई कमजाेर बनाउनको लागि संगठनकै पूर्व नेताहरू विभाजनतर्फ लागिपर्नु भएको छ ।’
उनले संघको मुद्दा र एजेण्डाहरुलाई कम्जोर बनाउने खेल किराती समूदायको लागि निकै दुःखको विषय भएको पनि उनले बताए । गतल प्रवितिहरुलाई छाडेर आजैको दिनबाट फेरी एक्यवदता भएर ‘किरात प्रदेश’को अभियानमा लाग्न पनि अध्यक्ष राईले अनुरोध गरे । समूदयालाई विभाजा गर्न नहुने पनि उनको तर्क थियो ।
यस्तै महासचिव रविन राईले संगठनको अनुशासन, मर्यादा विपरित काम गर्नेलाई एकदुई पल्ट सम्झाउन बुझाउने सकिने तर निरन्तर उही कार्य दोर्याउने छुट संगठनमा कसैलाई नभएको बताए ।
