कांग्रेस कार्यकर्ताले भत्काइदिए नेपाली भूमिमा गाडेको सीमास्तम्भ
भीमदत्तनगर, २ चैत । नेपाली भूमिमा नेपाल(भारत सहायक सीमास्तम्भ गाडिएको भन्दै नेपाली कांग्रेसका नेतारकार्यकर्ताले कञ्चनपुर बेल्डाँडी गाउँपालिकामा सीमा स्तम्भ भत्काएका छन्।
शनिबार कांग्रेस कार्यकर्ताले सहायक सीमास्तम्भ तोडफोड गरेका हुन्। उक्त सीमास्तम्भ केही दिनअघि नेपाल-भारत संयुक्त सर्भे टोलीले बेल्डाँडी गाउँपालिका वडा नम्बर ३ वैवाहमा सहायक सीमास्तम्भ ७८३र४ निर्माण गरिएको थियो।
शशस्त्र प्रहरी बल ३५ नम्बर गणका गणपति शसस्त्र प्रहरी उपरीक्षक वीरसिंह साहुले कांग्रेस कार्यकर्ताले सीमास्तम्भ तोडफोड गरेको जानकारी दिए।
‘नेपाली भूमिमा उक्त सीमास्तम्भ गाडिएको भन्दै कांग्रेस कार्यकर्ताले तोडफोड गरेछन्,’ उनले भने, ‘सो सीमास्तम्भ जोर–बिजोरका आधारमा नेपाली पक्षले नै बिजोर भएकाले निर्माण गरेका थिए ।’
गणपति साहुले दक्षिण क्षेत्रमा केही दिनयता सीमा विवादको विषय छलफलको विषयभन्दा सर्भे टोलीलाई काम गर्न पनि असहज भइरहेको बताए।
तत्कालीन संविधानसभाका सदस्य बहादुरसिंह थापा, दिवान विष्ट र कांग्रेस जिल्ला कार्यसमितिका पदाधिकारी सीमास्तम्भ गाडिएको क्षेत्रमा पुगेका थिए।
केही महिनाअघि सीमावर्ती भारतीय बजार बनबासामा बसेको संयुक्त सीमा सर्भे टोलीले कैलालीको खङ्ग्रौलाबाट कञ्चनपुरको ब्रह्मदेवसम्मको सीमास्तम्भ पुनःनिर्माणदेखि व्यवस्थापन गर्न बैठक डाकेको थियो।
