टेलिकमले ल्यायो अनलिमिटेड ‘डे र नाइट भ्वाइस प्याक’
काठमाडौं, १० चैत । नेपाल टेलिकमले अनलिमिटेड डे भ्वाइस प्याक र अनलिमिटेड नाइट भ्वाइस प्याक अफरहरु ल्याएको छ।
अनलिमिटेड डे भ्वाइस प्याक अन्तर्गत १५ रुपैयाँमा बिहान ५ बजेदेखि साँझ ५ बजेसम्म जतिपनि कल गर्न सकिन्छ।
यो भ्वाइस प्याक खरिद गर्नका लागि *1415*9*2# डायल गर्नुपर्छ। साथै डिभियुएनएल लेखेर १४१५ मा एसएमएस गर्न पनि सकिन्छ। प्याक एकपटक लिएपछि २४ घण्टाभित्र उपयोग गरिसक्नुपर्छ।
अनलिमिटेड नाइट भ्वाइस प्याक अन्तर्गत १२ रुपैयाँमा राती १० बजेदेखि बिहान ६ बजेसम्म जति पनि कुराकानी गर्न सकिन्छ।
यो प्याक लिनका लागि*1415*1*5*4# डायल गर्नुपर्छ। त्यसैगरी एनभियुएनएल लेखेर १४१५ मा एसएमएस पठाउन सकिन्छ।
विभिन्न प्याकेज प्राप्त गर्नका लागि *1415#मा डायल गरेर आफूलाई उपयुक्त हुने प्याकेज लिन सकिने टेलिकमले बताएको छ।
