कोरोना राहत कोषमा सहयोग गर्ने सन्दीपको घोषणा


प्रकाशित मिति : 27 March, 2020 6:36 am

काठमाडौं, १४ चैत । विश्व महामारी कोरोना भाइरस (कोभिड–१९) सँग लड्न नेपाली युवा क्रिकेटर सन्दीप लामिछानेले सरकारलाई एक लाख रुपैयाँ सहयोग गर्ने घोषणा गरेका छन् ।

उनले बिहीबार राति फेसबुकमार्फत सरकारको कोरोना भाइरस संक्रमण रोकथाम, नियन्त्रण र उपचार कोषलाई सहयोग गर्ने घोषणा गरेका हुन् ।

‘नेपाल सरकारको कोभिड–१९ राहत कोषमा एक लाख रुपैयाँ सहयोग गर्न पाउँदा खुशी लाखेको छ’, सन्दीपले फेसबुकमा लेखेका छन्, ‘सामाजिक दूरीको यस घडीमा साथ र सहयोग आवश्यक भएकाहरूलाई नबिसौं ।’

सन्दीपले दया र जिम्मेवारीले मानवता बोध गराउने भन्दै सबैलाई सुरक्षित रहन पनि आग्रह गरेका छन् । चीनको वुहानबाट फैलिएको कोरोना संक्रमण सोमबार एक जना युवतीमा पुष्टि भएपछि सरकारले मंगलबारदेखि ‘लकडाउन’ घोषणा गरेको छ । अन्नपूर्ण पोष्टबाट

प्रतिक्रिया दिनुहोस्