हेटौंडामा आजदेखि काेराेना भाइरसकाे परीक्षण सुरू


प्रकाशित मिति : April 2, 2020

हेटौंडा, २० चैत । कोरोना भाइरस (कोभिड–१९)को परिक्षण आज(विहिबार)बाट वाग्मती प्रदेशको प्रदेश राजधानी हेटौंडामा परीक्षण ‘सुरू भएको छ । परिक्षण आजदेखि सुरु गर्न लागिएको प्रदेशको मुख्यमन्त्री डोरमणी पौडेलले सन्देश जारी गर्दे बताएका हुन् ।

हेटौंडामा रहेको किटजन्य रोग अनुसन्धान तथा तालिम केन्द्रको ल्याबबाट आज बिहान १० बजेदेखि संकलित नमूनामा कोरोना संक्रमण परीक्षण गरिने तयारी सकिएको उनले बताए ।

उनले सो ल्याबबाट प्रत्येक दिन ७५ वटा सम्म नमूनाहरु परीक्षण गर्न सकिने उल्लेख गर्दै ल्याबका आवश्यक सबै सामग्री र जनशक्ति हेटौंडा आइपुगीसकेको र मेसिनहरु जडान गर्ने कार्य सकिएको जानकारी दिए।

मुख्यमन्त्री पौडेलले संसार कोरोनाको त्रास भइरहेको बेला नेपाल सरकारले चालेको दुरदर्शी तथा सबैभन्दा प्रभावकारी कदमका कारण देशमा कोरोना भित्रिएर पनि फैलनबाट भने उल्लेख गरे।

“हामीलाई विश्वास छ देशमा भएका सबै कोरोनाका संक्रमितहरु केहीदिन भित्र स्वास्थ्य लाभ गरी फर्कनेछन् र फेरी एक पटक हामी कोरोना भाइरसलाई नेपाली माटोबाट विदाई गर्ने छौं” सन्देशमा उल्लेख छ।

पौडेलले सन्देशमा विदेशबाटै कोरोना संक्रमित भएर आएका बाहेक स्वदेशमा कसैलाई पनि संक्रमण फैलन नदिनुलाई कसैको कृपासंग जोडेर हेर्नु भनेको नेपाली स्वास्थ्यकर्मी, सुरक्षाकर्मी तथा अहोरात्र खटिएका सरकारका विभिन्न निकायका व्यक्तित्वको योगदानको अवमूल्यन गर्नु हो भनेका छन्।

“कुनैपनि बेला कोरोना फैलनसक्ने सम्भावना जिवित नै छ। छिमेकी देश भारतमा नेपालको सिमासम्म कोरोना फैलिसकेको अवस्थामा हामी सचेत र सावधान हुनु आवश्यक छ।

प्रदेश सरकारले प्रदेशमा कोरोना संक्रमण फैलन नै नदिनेगरी तयारी गरेको छ र यदि फैलिहाले त्यसलाई नियन्त्रणमा लिन सम्पूर्ण तयारी सकिएको जानकारी गराउँदछौं मुख्यमन्त्री पौडेलले सन्देशमा उल्लेख गरेका छन्।

प्रतिक्रिया दिनुहोस्