उपमेयर राईले आफ्नै खर्चमा विपन्न २५ घरलाई खाद्य सामग्री वितरण
काठमाडौं, १९ चैत । खोटाङ जिल्लाको हलेसी तुवाचुङ नगरपालिकाकी उपमेयर विमला राईले अति विपन्न परिवारलाई खाद्य सामग्रीहरू वितरण गरेकी छिन् ।
राईले नगरपालिकाको वडा नम्बर–७ महादेवस्थानमा रहेका २५ घरधुरी दलित तथा विपन्न परिवारलाई खाद्य सामग्री वितरण गरेकी हुन् । उपमेयर राईले निजी खर्चमा विपन्न परिवारलाई ४ सय २० किलो चामल वितरण गरेकी हुन् ।
उपमेयरराईले लकडाउनका बेला आफ्ना नागरिकहरूलाई निःशुल्क रुपमा खाद्य सामग्री वितरण गरेर गरिकी छिन् । दैनिक ज्यालामा हलेसी बजारका होटलमा भाँडा माझ्ने, लगायतका काम गरेर परिवार चलाइरहेको अवस्थामा लकडाउनले समस्यामा परेका परिवारलाई उपमेयर राईले गाउँमै पुगेर खाद्यान्न वितरण गरेको बताइन् ।
