२०२० का उत्कृष्ट खेलाडीको सूची सार्वजनिक, मेस्सी शीर्ष ५० मा पनि परेनन्
काठमाडौं, २१ चैत । सन् २०२० मा उत्कृष्ट खेल प्रदर्शन गर्ने खेलाडीको सूची सार्वजनिक भएको छ ।
फुटबल अब्जरभेटरी नामक खोजकर्ताले सार्वजनिक गरेको यो वरियता क्रममा लियोनल मेस्सी शीर्ष ५० मा समेत अटाउन सकेनन् ।
फुटबल अब्जरभेटरीले खेलाडीको प्रदर्शनको विश्लेषण गर्दै आएको छ । पछिल्लो तीन महिनामा खेलाडीले मैदानमा गरेको व्यक्तिगत प्रदर्शन र टिमका लागि गरेको योगदानमा आधारित रहेर यो नतिजा निकालेको हो ।
उत्कृष्ट प्रदर्शन गर्ने खेलाडीको सूचीमा लियोनल मेस्सी ५२ औं स्थानमा छन् भने क्रिस्टियानो रोनाल्डो २७ औं स्थानमा छन् ।
यो सूचीमा लिभरपुलका कप्तान जोर्डन हेन्डरसन शीर्ष स्थानमा छन् । उनको रेटिङ ९३ प्रतिशत छ । दोस्रो स्थानमा पीएसजीका प्रिस्नेल किम्पेम्बे र बायर्न म्युनिकका थियागो अल्कन्टरा छन् ।
पीएसजीकै एन्गल डी मारिया १० औं स्थानमा छन् । लिभरपुलका डिफेन्डर भर्जिल भ्यान डाइक १३ औं स्थानमा छन् भने मोहम्मद सलाह १६ औं स्थानमा छन् । एजेन्सी