यी देशमा छैन अहिलेसम्म कोरोनाको ‘चिन्ता’, संक्रमण नदेखिएको कि परीक्षण नभएको ?

कोरोनाबाट विश्वमा ५९ हजार २०३ को मृत्यु, ११ लाख १७ हजार ८२ संक्रमित


प्रकाशित मिति : April 4, 2020

काठमाडौं, २२ चैत । प्राणघातक कोरोना (कोभिड–१९) भाइरसले अहिले विश्वमा ठूलो धनजनको क्षति गरिरहेको छ ।

विश्वका २०५ देश र दुई अन्तर्राष्ट्रिय पानीजहाजमा फैलिइसकेको कोरोना भाइरस संक्रमणले विश्वका ५९ हजार २०६ जनाको ज्यान लिइसकेको छ भने ११ लाख १७ हजार ८२ मानिस संक्रमित भइसकेका छन् ।

एकै दिन ठूलो संख्यामा मानिसको ज्यान जान थालेपछि अमेरिकालगायत विश्वका शक्ति राष्ट्रहरु नै त्रसित बनिरहेका छन् । विश्वमा आगोझै फैलिएको कोरोना भाइरसले विश्वमा ठूलो धनजनको क्षति पुर्‍याइसकेको छ भने अर्थतन्त्र समेत उठ्नै नसक्ने गरी थला पार्दै लगिरहेको छ ।

विश्वलाई कोरोना भाइरसले आतंकति बनाइरहेका बेला भर्खर उत्तर कोरियाले आफ्नो देशलाई कोरोनामुक्त घोषणा गर्‍यो । उत्तर कोरियाले आफ्नो देश कोरोनामुक्त भएको दावी गरेको छ ।
अहिलेसम्म विश्वका केहि देश कोरोना भाइरसबाट अहिलेसम्म जोगिएका छन् ।

 

अहिलेसम्म उत्तर कोरिया, ताजकिस्तान, तुर्केमिनस्तान, यमन, दक्षिण सुडान, साओ टोम एण्ड प्रिन्सिपल्स, कोमोरोस, मलावी, लिसोथो र सोलोमन टापुमा कोरोना भाइरस देखिएको छैन ।
यी देशमा कोरोनाको परीक्षण नै नभएको हो वा संक्रमित नै नभएको भन्ने यकिन छैन ।

तर कोरोना संक्रमण फैलिएका देशको ट्रयाकिङ गरिरहेका विभिन्न संस्थाको सूचीमा यी देश कोरोनामुक्त छन् । चीन, अमेरिका, अस्ट्रेलिया, इटली, स्पेन र भारतसहित विश्वका शक्ति राष्ट्र कोरोनाले आक्रान्त हुँदा यी देशमा कोरोनाको प्रभाव शून्य छ ।

यी हुन हालसम्म कोरोना नदेखिएका देशहरुः
उत्तर कोरिया–उत्तर कोरिया कोरोना संक्रमणको उद्गम थलो चीनसँग सीमा जोडिएको देश हो । चीनसँग सीमा जोडिएको अर्को देश दक्षिण कोरिया कोरोनाले आक्रान्त हुँदा उत्तर कोरिया भने कोरोनामुक्त रहेको त्यहाँको सरकारको दाबी छ । यसको सीमासँग जोडिएका रुस र जापान समेत कोरोना प्रभावित छन् ।

तुर्केमेनिस्तान –तुर्कमेनिस्तान मध्य एसियामा रहेको देश हो । सन् १९९१ सम्म तुर्कमेन सोभियत समाजवादी गणराज्यको रूपमा सोभियत सङ्घको एक घटक गणतन्त्र थियो । यसको दक्षिण पूर्वमा अफगानिस्तान, दक्षिण पश्चिममा इरान, उत्तर पूर्वमा उज्बेकिस्तान, उत्तर पश्चिममा कजाकिस्तान र पश्चिममा केस्पियन सागर पर्छ ।

दक्षिणी सुडान – पूर्वी अफ्रिकी देश दक्षिणी सुडान भूपरिवेष्ठित देश हो । यस देशको पूर्वमा इथियोपिया, पश्चिममा मध्य अफ्रिकी गणराज्य, उत्तरमा सुडान तथा दक्षिणमा केन्या, युगान्डा र प्रजातान्त्रिक गणतन्त्र कङ्गो छन् ।

साओ टोम एण्ड प्रिन्सिपल्स– साओ टोम एण्ड प्रिन्सिपल्स अटलान्टाको भूमध्य रेखा र गिनीको खाडीसँग जोडिएको देश हो । यो टापु अफ्रिकाको दोस्रो सानो देश हो । यसको दक्षिण पश्चिममा अन्नोबान टापु, उत्तर पूर्वमा बायोको (इक्वेटोरियल गिनीको दुवै भाग) पर्छन् ।

सोलोमन टापु– सोलोमन द्वीप पपुवा न्युगिनीको पूर्वमा मालेनेसियामा झण्डै एक हजार द्वीप समेटिएको देश हो । करिब २८ हजार ४ सय वर्ग किलोमिटरमा फैलिएको यो देशको राजधानी गुआडल क्यानल द्वीपमा रहेको होनिअरा हो ।

भानुआतु– भानुआतुु देश प्रशान्त महासागरमा पर्छ । यहाँ इसाई धर्मका मानिस बस्छन् । ६ प्रान्तमा विभाजित यो देशमा संसदीय प्रजातन्त्र छ । ८३ वटा टापु मिलेर यो देश बनेको छ ।

कोमोरोस– यो देश हिन्द महासागरमा रहेको एक अफ्रिकी देश हो ।

यो देशको सीमासँग कुनै देश जोडिएको छैन । तर यो मोजाम्बिक र तान्जानियाको नजिकै अफ्रिकी तटमा पर्छ ।

लिसोथो–लिसोथोको सीमाको अधिकांश भाग भ्याटिकन सिटी र सान मारियोसहित दक्षिण अफ्रिकासँग जोडिएको छ । यसको राजधानी मसेरु हो ।

ताजकिस्तान–ताजकिस्तान एसिया महादेशमा पर्ने भूपरिवेष्ठित देश हो । यो अफगानिस्तान, उज्वेकिस्तान, किर्गिजिस्तान र चीनले घेरिएको छ । तर यो देशमा आजसम्म कोरोना संक्रमण देखिएको छैन ।

यमन–यमन पश्चिम एसियामा रहेको एउटा अरब देश हो । साउदी अरबको दक्षिणमा पर्ने यमनको पश्चिममा ओमन पर्छ ।

कोरोनाबाट विश्वमा ५९ हजार २०३ को मृत्यु, ११ लाख १७ हजार ८२ संक्रमित
कोभिड–१९ नाम दिइएको प्राणघातक कोरोना भाइरस सङ्क्रमणबाट विश्वभरीमा ज्यान गुमाउनेको संख्या ५९ हजार २०३ पुगेको छ । पछिल्लो विवरणअनुसार संंंसारभरि ११ लाख १७ हजार ८२ जना कोरोना भाइरसबाट संक्रमित भएका विश्व स्वास्थ्य सङ्गठनले आज सार्वजनिक गरेकोे छ ।

चीनको हुबे प्रान्तको उहान शहरबाट शुरु भएको कोभिड–१९ लाई विश्व स्वास्थ्य संगठनले ‘विश्वव्यापी महामारी’ को संज्ञा दिएको छ । सोही बमोजिम सतर्कता अपनाउन पनि विश्व स्वास्थ्य संगठनले विश्वका सबै देशका नागरिकलाई आग्रह गर्दै आएको छ ।

कोरोनाभाइरस महामारी विश्वका लागि दोस्रो विश्वयुद्धपछिकै सबैभन्दा ठूलो चुनौती रहेको भन्दै संयुक्त राष्ट्रसंघका महासचिव एन्टोनियो गुटेर्रेसले सचेत गराएका छन् । यस महामारीले ल्याउने मन्दीको तुलना पछिल्ला कुनै वर्षका नहुने पनि उनले बताएका छन् । गरिबीको रेखामुनि दशौं लाख व्यक्ति रहने विश्व बैक प्रक्षेपण गरिसकेको छ ।

कोरोनाबाट बढी प्रभाव परेका केही मुलुकको पछिल्लो परिदृष्य :- 
देश                                           मृतक                सङ्क्रमित                          निको भएका
इटाली                            १४ हजार                ६८१ १ लाख १९ हजार ८२७          १९ हजार ७५८
स्पेन                        ११ हजार १९८                   १ लाख १९ हजार १९९                 १३ हजार ५१३
अमेरिका                  ७ हजार ४०२                    २ लाख ७७ हजार ४७५                  १२ हजार २८३
जर्मनी                     १ हजार २७५                     ९१ हजार १५९                           २४ हजार ५७५
फ्रान्स                        ६ हजार ५०७                           ८२ हजार १६५                      १४ हजार ८
चीन                           ३ हजार ३२६                      ८१ हजार ६३९                         ७६ हजार ७५५
इरान                          ३ हजार २९४                    ५३ हजार १८३                           १७ हजार ९३५
बेलायत                       ३ हजार ६०५                       ३८ हजार १६८                               १३५
टर्की                                ४२५                                 २० हजार ९२१                             ४८४
स्वट्जरल्याल्ड               ५९१                             १९ हजार ६०६                           ४ हजार ८४६
बेल्जियम                     १ हजार १४३                     १६ हजार ७७०                          २ हजार ८७२
नेदरल्यान्ड्स                    १ हजार ४८७               १५ हजार ७२३                            २५०
क्यानाडा                        २०८                                १२ हजार ५४९                          २ हजार १८६
अष्ट्रिया                         १६८                                ११ हजार ५२४                         २ हजार २२
दक्षिण कोरिया                  १७७                            १० हजार १५६                          ६ हजार ३२५
पोर्चुगल                            २४६                                   ९ हजार ८८६                                  ६८
ब्राजिल                             ३६५                                     ९ हजार २१६                            १२७
इजरायल                           ४०                                        ७ हजार ४२८                            ४०३
स्विडेन                            ३५८                                    ६ हजार १३१                                २०५
अष्ट्रेलिया                       ३०                                    ५ हजार ४५४                               ५८५
नर्वे                                ५९                                    ५ हजार ३७०                                ३२
आयरल्याण्ड                   १२०                                   ४ हजार २७३                                २५
रुस                                 ३४                                    ४ हजार १४९                               २८१
डेनमार्क                         १३९                                 ३ हजार ७५७                           १ हजार १९३
जापान                          ६९                                    २ हजार ९३५                               ५१४
पाकिस्तान                     ४०                                     २ हजार ७०८                                 १३०
साउदी अरेबिया               २५                                        २ हजार ३९                              ३५१
यूएई                               ९                                       १ हजार २६४                                 १०८
कतार                            ३                                         १ हजार ७५                                    ९३
रासस–एपी–एएफपीको सहयोगमा

प्रतिक्रिया दिनुहोस्