काकाले भने, ‘रोनाल्डो भन्दा मेस्सी उत्कृष्ट’


प्रकाशित मिति : April 5, 2020

काठमाडौं, चैत २३ । स्पेनिस क्लब रियल म्याड्रिड तथा इटालियन क्लब एसी मिलानका ब्राजिली स्टार प्लेमेकर रिकार्डो काकाले आधुनिक फुटबलका दुई हस्ती लियोनल मेस्सी र क्रिस्टियानो रोनाल्डोमध्ये मेस्सी रोज्ने बताएका छन् ।

रोनाल्डोसँग चारबर्ष रियल म्याड्रिडबाट सँगै खेलेमा ब्राजिलियन स्टार रिकार्डो काकाले भने उत्कृष्ट खेलाडीको नाम मेस्सी लिएका छन् ।

अर्जेन्टिीनी स्टार लियोनल मेस्सी र पोर्चुगलका स्टार क्रिस्टियानो रोनाल्डोबीच को ठूलो भन्ने चर्चा विश्व फुटबलमा दैनिकजसो चल्छ । कतिपयले मेस्सी त कतिपयले रोनाल्डोको उत्कृष्ट भन्दै आएका छन् । फिफाको इन्स्टाग्रामबाट प्रत्यक्ष प्रशारणमा मेस्सी र रोनाल्डोमा को उत्कृष्ट भनेर सोधिएको प्रश्नमा काकाले मेस्सी रोजेका हुन् ।


काकाले सन् २०१० देखि २०१३ सम्म रियलमा सँगै रोनाल्डोसँग ब्यवसायिक फुटबल खेलेका थिए । तरपनि काकाले मेस्सीकै पक्ष लिएर आश्चर्य बनाएका छन् । ‘मैले रोनाल्डोसँगै धेरै फुटबल खेलेको छु । रोनाल्डो उत्कृष्ट खेलाडी हुन् । तर रोज्नै पर्दा म मेस्सी रोज्छु । मलाई मेस्सी निकै मन पर्छ,’ काकाले भने । उनले मेस्सी प्रतिभावान खेलाडी भएको पनि बताए ।

काकाले रोनाल्डोलाई भने एक मेसिनको रुचमा चित्रण गरेका छन् । ‘रोनाल्डो एउटा मेसिन हो । जो छिटो, छरितो र शक्तिशाली छ । कहिल्यै हार नचाहने स्वभावका रोनाल्डो शारीरिक र मानसिक रुपमा पनि अब्बल छन्,’ काकाले भने । काकाले आधुनिक फुटबलमा मेस्सी र रोनाल्डोलाई एकैसाथ पाउनु खुशीको क्षण भएको पनि बताए ।

फिफाको प्रतिष्ठित बालोल डी’ओर अवार्डको पछिल्लो १२औं संस्करणमा ६ पटक मेस्सी र पाँच पटक रोनाल्डोले नाम लेखाए । जसमा सन् २००७ को अवार्ड उनै ३७ बर्षीय काकाले कब्जा गरेका थिए । काकाले उक्त अवार्ड जित्दा रोनाल्डो मेस्सीलाई नै पछि पारेका थिए ।

प्रतिक्रिया दिनुहोस्