कोरोना संक्रमित ८ जनाको स्वास्थ्य अवस्था सामान्य : स्वास्थ्य मन्त्रालय
काठमाडौं, २५ चैत । स्वास्थ्य मन्त्रालयले कोरोना संक्रमित ८ जनाको स्वास्थ्य अवस्था सामान्य रहेको जनाएको छ ।
मन्त्रालयमा मंगलबार आयोजित नियमित पत्रकार सम्मेलनमा मन्त्रालयका प्रवक्ता डा बिकास देवकोटाले कोरोना संक्रमित ८ जनाको अवस्थामा सामान्य रहेकाे जानकारी दिए ।
यस्तै उनले मंगलबार नयाँ कोरोना संक्रमित नदेखिएको बताए । उनले अहिलेसम्म टेक प्रयोगशालामा १७९६ जनाको परिक्षण भएको जानकारी दिए । मुलुकभर १०० जना आइशोलेशनमा रहेको र १७२ जना रेड जोनमा रहेको उनले बताए ।
त्यस्तै मुलुकभरका ९ स्थानबाट कोरोना परिक्षण सुरु गरिएको र यसलाई विस्तार गरिने बताए । उनले कोरोना परिक्षणलाई तिव्र रुपमा बढाउने गरि काम भइरहेको पनि जानकारी दिए ।
