फेरि अर्का भूपू गोरखाको कोरोनाबाट निधन, बेलायतमा कोरोनाबाट मृत्यु हुने नेपाली सात पुगे


३० चैत्र २०७६, आईतवार
yam

काठमाडौं, ३० चैत । कोरोना भाइरसका कारण बेलायतमा शनिबार फेरि अर्का एक पूर्व गोरखा सैनिकको निधन भएको छ ।

स्जाङजा वालिङ घर भई हाल बेलायतको स्वीन्डन शहरमा बस्दै आएका ८६ वर्षीय यामबहादुर मल्लको उपचारका क्रममा ग्रेट वेष्टर्न अस्पतालमा निधन भएको थियो ।

मृतक मल्ल सन् २००४ देखि आफ्ना छोरा बुहारीसगँ बस्दै आएका थिए । चार दिनअघि रुघाखोकी र पखाला लागेपछि मल्ललाई अस्पताल भर्ना गरिएको क्षेत्री समाजका अध्यक्ष राजनकुमार क्षेत्रीले बताए ।

बेलायतमा कोरोना संक्रमणबाट मृत्यु हुने मल्ल सातौं नेपाली हुन् । यो हप्ता मात्रै पाँच नेपालीको ज्यान गएको छ ।

यसअघि बेलायतमा भूपू गोरखा सैनिक लीलाबहादुर राई, चेतप्रसाद गुरुङ, मेखबहादुर गुरुङ, शिव श्रेष्ठ तथा प्रशान्त अर्याल र पारिवारिक भेटघाट तथा नातिको विवाहका लागि बेलायत आएका कर्णबहादुर क्षेत्रीको निधन भएको छ ।

बेलायतमा कोरोना संक्रमणबाट शनिबार एकै दिन ९ सय १७ जनाको मृत्यु भएको छ । कोरोना संक्रमणबाट बेलायतलमा हालसम्म ९ हजार ८ सय ७५ जनाको मृत्यु भइसकेको छ भने ७८ हजार भन्दा बढी यो रोगबाट संक्रमित भएका छन् ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७