लकडाउन २८औँ दिन {भिडियो}
काठमाडौं, ८ बैशाख । कोरोना भाइरस (कोभिड १९) को सङ्क्रमण रोकथाम तथा नियन्त्रणका लागि नेपाल सरकारले गएको चैत्र ११ गतेदेखि गरेको लकडाउन जारी छ । लकडाउन घोषणा गरेयता दैनिक जीवन र सामाजिक क्रियाकलाप ठप्प छ ।
लकडाउनको अवस्थामा भने अत्यावश्यक काम र सेवा भने रोकिएको छैन । भारतमा कोरोना संक्रमित नघटेसम्म नेपालमा पनि लकडाउन नखोल्ने तयारीमा सरकार छ ।
लकडाउन पालना गराउन सुरक्षा निकायका अधिकारीहरु सुरक्षा जाँच गर्न, लकडाउन पालना गराउन सडकका चोकहरुमा बसेका छन् ।
यस्तै विभिन्न चोकहरुमा घुम्दै नेपाल प्रहरीको मोबाइल भ्यानले सर्वसाधारणलाई माइकिङ गरेर घरमा बसेर सावधानी अपनाउन आग्रह गरिरहेको छ ।
नेपाल सरकारले वैशाख ३ गतेसम्मको लकडाउनको अवधि बढाएर वैशाख १५ गतेसम्म पुर्याएको छ । नेपालमा अहिले कोरोना भाइरसबाट सङ्क्रमित हुनेको सङ्ख्या ३१ पुगेको छ ।
सङ्क्रमितमध्ये चार जना उपचारपछि निको भएर घर फर्किएका छन् भने बाँकी २७ जनाको विभिन्न अस्पतालमा उपचार भइरहेको छ ।
