सपरिवार दयाहाङ्गको ‘मिस्टर झोले’ हेरेपछि डा. बाबुराम भट्टराईले भने–‘फिल्म हेर्नलायक रहेछ’
काठमाण्डौं, ५ माघ : नयाँ शक्ति नेपाल पार्टीका संयोजक डा. बाबुराम भट्टराईले शुक्रबार सपरिवार दयाहाङ्ग राईले अभिनय गरेको चलचित्र ‘मिस्टर झोले’ हेरेका छन् ।
चलचित्रका नायक दयाहाङ राईले पनि भट्टराई परिवारसँगै बसेर आफ्नै चलचित्र हेरेका थिए । चलचित्र हेरेपछि डा. भट्टराईले सामाजिक सञ्जालमा लेखे–‘दयाहाङ राईसँगै सपरिवार मिष्टर झोले हेर्दै ! स्वस्थ मनोरञ्जनात्क नेपाली फिल्म हेर्नलायक रहेछ है !’
रामबाबु गुरुङले निर्देशन गरेको चलचित्र दयाहाङ राई, वर्षा राउत, दिया पुन, प्रविण खतिवडा, वृद्धि तामाङलगायतका कलाकारको अभिनय छ । टेकेन खड्काको प्रोडक्सन र सिनेमा आर्टले संयुक्त रुपमा निर्माण गरेको चलचित्र टेकेन खड्काको निर्माणमा बनेको हो । चलचित्रका कार्यकारी निर्माता रौनकबिक्रम कँडेल छन् ।