प्रधानमन्त्रीले बोलाए सर्वदलीय वैठक
काठमाडौं, १३ जेठ । प्रधानमन्त्री केपी ओलीले संसदमा प्रतिनिधित्व गर्ने राजनीतिक दलहरुको सर्वदलीय बैठक आह्वान गरेका छन् ।
प्रधानमन्त्री ओलीले कोभिड–१९ महामारी रोकथाम र नियन्त्रण तथा संविधान संशोधनको विषयमा छलफल गर्न सर्वदलीय बैठक आह्वान गरेका हुन् । बैठक साँझ ५ बजे प्रधानमन्त्री निवास बालुवाटारमा बस्ने जनाइएको छ ।
बैठकमा संसदमा प्रतिनिधित्व गर्ने राजनीतिक दलका प्रमुखहरुलाई बोलाइएको प्रधानमन्त्रीका प्रेस सल्लाहकार सूर्य थापाले सञ्चारमाध्यमहरुलाई जानकारी दिएका छन् । यसअघि पनि प्रधानमन्त्री ओलीले एक पटक सर्वदलीय वैठक बोलाएका थिए ।