राप्रपाद्वारा संविधान संशोधनका पक्षमा मतदान गर्ने निर्णय
काठमाडौं, १४ जेठ । राष्ट्रिय प्रजातन्त्र पार्टीले संविधान संशोधनको पक्षमा मतदान गर्ने निर्णय गरेको छ ।
आज (बुधबार) बिहान बसेको राप्रपाका अध्यक्षत्रय कमल थापा, पशुपतिशमशेर जबारा र प्रकाशचन्द्र लोहनीको बैठकले निशान छाप परिवर्तन गर्न संसदमा पेश भएको विधेयकलाई समर्थन गर्ने निर्णय गरेको हो । समर्थनसँगै राप्रपाले विधेयकको पक्षमा मतदान गर्ने भएको छ ।
सरकारले यसअघि निसान छापमा भएको नेपालको नक्सा हटाउँदै लिम्पियाधुरा, कालापानी र लिपुलेकलगायतका भूभाग समेटिएको नेपालको अध्यावधिक नक्सा राख्नका लागि संविधान संशोधनको तयारी गरिरहेको छ ।
