रौतहटका ३५ सहित प्रदेश–२ मा एकै दिन थपिए ४५ कोरोना संक्रमित
काठमाडौं, १४ जेठ । नेपालमा कोरोनाको ‘हटस्पट’ प्रदेश–२ मा आज (बुधबार) फेरि ४५ जना कोरोना संक्रमित थपिएका छन् ।
संक्रमितहरूमध्ये रौतहटका मात्रै ३५ जना रहेको पाइएको । त्यस्तै, बाराका ८ जना र सिराहाका दुई जना रहेका छन् ।
राष्ट्रिय जनस्वास्थ्य प्रयोगशाला टेकु र हेटौंडा प्रयोगशालामा गरिएको परीक्षणमा ४५ जनाको रिपोर्ट पोजेटिभ आएको हो ।
जसमध्ये ३८ जनाको स्वाब टेकुस्थित प्रयोगशालामा परीक्षण गरिएको थियो । अन्य सात जनाको हेटौंडाको प्रयोगशालामा परीक्षण गरिएको हो । भारतबाट भित्रिनेको संख्या बढेसँगै प्रदेश–२ मा कोरोना संक्रमितको संख्या पनि बढिरहेको छ ।
