इटहरीमा ‘ग्याङ’ फाइट, एक जनाको गयो ज्यान
सुनसरी, १९ जेठ । सुनसरी जिल्लाको तरहरामा ‘ग्याङ’ फाइट हुँदा एक जनाको ज्यान गएको छ ।
इटहरी गरपालिका–२० तरहराको एकता टोलमा गए राति ग्याङ फाइट भएको प्रहरीले जानकारी दिएको छ ।
ग्याङ फाइटमा तरहराका राजन राईको ज्यान गएको छ । राईको शरीरभर छुरा प्रहार गरेर हत्या भएको प्रहरीले जनाएको छ ।
आइतबार राति करीव ९ बजे राईलाई तीन जनाको समूहले छुरा प्रहार गरेको इटहरी प्रहरीले जनाएको छ । गम्भीर घाइते राईको उपचारका क्रममा धरानस्थित वीपी कोइराला स्वास्थ्य विज्ञान प्रतिष्ठानमा निधन भएको इटहरीका डीएसपी धर्मराज भण्डारीले जानकारी दिए ।
डीएसपी भण्डारीले मृतक राईलाई उनकै साथीको समूहले छुरा प्रहार गरेको बताएका छन् । राईलाई प्रज्वल तामाङले छुरा प्रहार गरेको भण्डारीले बताए । घटनामा संलग्नहरूको खोजी कार्य भइरहेको डीएसपी भण्डारीले बताए ।